Veshjet tradicionale kombëtare krijojnë një ndjenjë krenarie tek publiku shqiptar dhe paraqesin një interestë të veçant tek antropologët dhe etnologët shqiptar e të huaj pasi në to pasqyrohen shijet estetike të popullit tonë dhe një pjesë e traditave të secilës krahinë. Në veshjen popullore të zonës vihen re elemente si simetria, përsëritja e motivit, forma dhe kombinimi i tyre në një të tërë. Në veshjen femërore të Malësisë së Tiranës këmisha luan një rol të rëndësishëm estetik me kindat që formojnë gjerësinë e fundit. Për këtë arsye e kemi parë veshjen e femrave të kësaj krahine si një nga manifestimet më të shkëlqyera të kulturës së asaj zone dhe kemi vendosur t’i kthejmë ato në elemente të forta vizuale dhe identiteti për markën e ujit “Selita”.